daur..

main ek katra hu
toota tha kinaro.n se
ab ret pe leta hu
aur zameen khaa rahee hai
leher ne mujhe apna kaha
haath thama , aur bitha liya
mujhe kya pata tha
ye kaha jaa rahee hai

khaultee dhoop jo padi
to ret jal gayee
kuch ris gaya main
kuch bhaap ban gayee
ab kuch nahee bacha hai
to kya jala rahee hai
main ek katra hu
toota tha kinaro.n se
ab ret pe leta hu
aur zameen khaa rahee hai

latakte din

jab din pedo.n par ugaa karte the
har ek nayee khwahish ek darakht banatee thee
phoolo.n se jhankti khushboo khushiya.n lutatee thee
chand roz ped pe chadhta tha aur subah kood jata tha
har shab ek naya daag le ata tha
sitaare toot k pattiyo.n mein atak jaate the
kabhee pattiya.n jagmagatee thee
to kabhee sitaare lehrate the
ab yaado.n k panchee kabhee kabhee baseraa karne ko aate hai
sookhe pattiyo.n ko jama kar ek jagah rakh jaate hain
panchi dekhte hai barish ki tapaktee boondo.n ko
bheegtee ujadtee kuch khaas umeedo.n ko
koi rahgeer gar aas paas aa jata hai
ghaans ka kaaleen use paas bitha leta hai
is sunsaan se baageechai mein kabhee hum hua karte the
apne inhee haatho.n se har pal chua karte the
apne fisal jaane pe bikhartee hansi aatee thee
koi apna jo gir jaaye to hum dua karte the
jab din pedo.n par uga karte the

istithi

har lavz ud gaya
ek baat rah gayee
failee maut pe saji
chandd rat rah gayee
kuch log the isi toote makan me
maujud ek shehr tha
unki zuban me
bas raakh rah gayee
ek jalti yaad rah gayee
har lavz ud gaya
ek bat rah gayee

mazhab me fir boyi ranjish
to ab kya phool khilega
aankho se chipak kar
shab bhar chaand jalega
na eid mani hai
na paet bhara hai
na zakhm bhare hai
na ashq kam hue
kahi rishte dafn hue
kahi aag rah gayee
har lavz ud gaya
ek baat rah gayee
failee maut pe saji
chandd rat rah gayee

STORY OF "SOMEONE FLOWER"

Today i am going to tell you one story....its about a guy who's standing on the

edge of a cliff....Looking at the horizon..he is so calm and relaxed.....Then he

saw that flower..Deep down in the valley.... A flower of blue purple and black

colour..."SOMEONE FLOWER" people call it " someone flower".....That flower took

his breath...That was the sweetest thing that he had ever seen..a voice came from

inside his heart "i want it..BECAUSE I LOVE IT..".Another voice came from his

brain "But its impossible its deep down in the valley".. This time his heart won

over his brain..He jumped off...He started falling...He knew that it gonna end

with his life...but now hes falling ..he feels like he is in heaven...all he can

see is "SOMEONE" ...every thing is looking beautiful...but then after that

precious n beatuful moment he is on the ground...bleeding...crying...he can still

see "SOMEONE"....no...It can't be true..Its going away from his vision...his frndz

came...they can see the blood..but they can't see the pain..they are sayin you

gonna b fine in some time,,,ambulance of time is on the location and filling him

with all artificial blood.... and he is back on his feet again...but now he is

scared and he dnt wanna go to tat cliff again...now hes afraid of flowers....hes

afraid of SOMEONE..... all his dreams about someone are shattered....Now he can

breath..can pretend that he is alive but he is not....He realized one thing

..."NEVER FALL FOR SOMEONE"....

burried alive on a cloud

ye kaisa mod aaya
tha main sab chod aaya
na tha kuch yaad mujhko
bhulaya tha u tujhko
nai rahe chuni thi
kai khwahish buni thi
par ab tu aa gaya hai
zehen pe chaa gaya hai
ek gamn ka panna jod de tu
mujhe yahee pe chod de tu
me ji lunga tere bin
par rounga kai din
main gam ko sirhane rakh k sounga
kai din khud se bolunga
tu mera tha hi nahee
main jaanta tha nahee
tu soch na mere bare mein
tu khilta hai baharo me
tujhe pana hai mushkil
aur ye nadan mera dil
par ab main kuch na bolunga
teri yaadon mein rolunga
khawbon ka jo ek shehr tha
waha sab tod aya
ye kaisa mod aaya

bhram

kai dhage jodkar banayee thee ek rishte ki chaadar
ek kori ujlee see naye rishte ki chaadar
na koi daag tha us par bas ek shakl thee
rakhi thi dil-o-zami pe bade naaz se bichakar

par ab dekhta hu kuch salvatein us chadar mein
kyu ankho ki nami goonjti hai us chadar mein
maine rakha tha har gam se jisko bachakar
wo meri ummeedon se bandhi ek rishte ki chadar

door ek chat pe sookhtee nazar aatee hai
waqt ki hawa me udti hai lehrati hai
yaado k dhaage ab bhee meri ungliyo se bandhe hai
jitna door jau utna paas aatee hai
har tane ne iske mujhko rakha hai uljhakar
meri khwahish mere sapno se bani wo chadar