Boodha Rishtedar

kal raat chand ne mujhe dekh liya
roshni ka ek tukda mere chehre pe fenk diya
tanga raha upar rota raha chup chap
maine kiya adab hone lagee fir baat
sunane laga har gam mujhe pareshan hokar
jeeta hu andhero.n me tumko ujale dekar
jalta hu har pal zamane ki chubhan me
bas naam hai mera jeeta hu ghutan me
eid pe mujhko manane log aajate hai
amavas ki raat pe akela chhod jaate hai
sunta raha chupchap uskee kahee har baat
bhanak subah ko lag gayee dhalne lagee wo raat
jaga k mujh ko so gaya uljhe sawalo.n me
kya khaakh hai seekha beetai hazaar salo.n me
theek hai tu nahee is ahl-e-ranj k darmiya.n
yaha nafrat hee ugee hai dilo.n me hai dhua.n
tune dekha hai door se is zamane ko
me jeeta hu yahi pe kuch naam k rishte nibhane ko
ab shama bhuj gayee to chalu.n ghar jalane ko
nakami ki chadar mene fir se odh li
hara hua chehra apna dhak liya
kal raat chand ne mujhe dekh liya

Maayus mausam

Dard tapakta hai sukhe hue jharno se
har roz mehkta hai toote hue sapno se
barbadi ne khushiyo.n ki umr ghata di hai
jalti hui aankho.n ne ek sard hawa di hai
jo tha kabhi roshan ab rakh ho gaya hai
kuch is tarah humne apno ko saza di hai
nakami ki chheentai.n chehre pe lag gai hai
nazro.n me lagi khushiya.n zehen se hat gayee hai
kyam me dekhta hu aur kya dikh raha hai
udte hue panchi hai hausla gat raha hai
girta hai arsh par behta hua nazro.n se
dard tapakta hai sukhe hue jharno se

Atoot

Ek marasim jo mujhse khafa ho nahee sakta.
door hu tumse par juda ho nahee sakta.
Andhera hota tha to main dar sa jata tha
tera saya tassali k ujale jalata tha.
Bachpan ka har lamha tere sath buna hai.
Mere liye tujhko farishto ne chuna hai.
Har seedhi mere jeewan ki tune banai hai.
Tu hee meri kismat hai meri khudayee hai.
Duniya jeet leta hu gar tu mere sath rehtee hai.
Khushi ankho se behtee hai jo mujhko bhai kehtee hai.
adhura hu me tujhse door ho k
garmi ki chuttiya, sardi k wo jhoke
sab kuch jo guzra hai, didi wo tera hai.
kabhee bhool na jana, tera bhai akela hai.
Ek pyara sa chehra, jo rehta hai zehen me.
Dikhta hai wo khuda, mujhe apni behen me.
Duniya ki sab khushiya tere daman me la rakhta.
par majbur hu abhee, main kuch bhee de nahee sakta.
Ek marasim jo mujhse khafa ho nahee sakta.
door hu tumse par juda ho nahee sakta.